“Gjysma e fëmijëve në botë përjetojnë dhunë”

23:49 | 20 Nëntor 2019
Arbresh.info

Gjysma e fëmijëve në botë “akoma përjetojnë ndonjë formë të dhunës çdo vit”, thuhet në një njoftim të organizatës joqeveritare me seli në SHBA, World Vision, transmeton Anadolu Agency (AA).

Nga kjo organizatë thonë se kjo vlen për 1.7 miliardë fëmijë.

“Edhe pse ka pasur përmirësime të mëdha në shumë sfera si arsimi, qasja në përkujdesin shëndetësor dhe ujë të pastër, fëmijët ende vuajnë në bazë ditore”, thuhet në njoftim.

“Fëmijët po detyrohen të bëhen ushtarë-fëmijë, të martohen në vend që të edukohen, po abuzohen seksualisht dhe fizikisht. 650 milionë vajza dhe gra që janë sot gjallë, u martuan para se të mbushin 18 vjet dhe mbi 120 milionë vajza, që është më shumë se 10 për qind në botë, do të përjetojnë përdhunim ose abuzim seksual para moshës 20 vjeçare”, thuhet gjithashtu në njoftim.