Prindërit e Astrit Deharit: Këta janë përgjegjësit për vdekjen e djalit tonë

00:32 | 2 Nëntor 2019
Trina Galanxhi

Në një intervistë në emisionin Konak, Avni e Xhemile Dehari tregojnë se kush mban përgjegjësinë për vdekjen e Astritit.

Avni Dehari thekson se përgjegjësit e vetëm për këtë rast janë i gjithë zingjiri i drejtësisë së asaj kohe.

“Kanë përgjegjësi krejt zingjiri i sistemit të drejtësisë dhe ata duhet të vihen para përgjegjësisë. Përveq tek ta unë te dikush tjetër nuk mund të dyshoj”, thotë Avni Dehari.

Sipas Xhemile Deharit madje edhe akuza për të cilën janë arrestuar Astriti dhe shokët e tij ka qenë e pabazë dhe ende nuk është vërtetuar.

“Ky grup që e kanë arrestuar dhe e kanë akuzu për gjuajtje në kuvend kanë qenë të gjithë shokë të mahallës dhe të gjithë kanë qenë të ri, cili nga ta ka ditë të gjuajë me atë cka janë akuzuar.

Akuza është e pabazë dhe sot e asaj dite ende se kan vërtetu që ka gjujt ky grup”, thotë Xhemile Dehari.