Manchester United raportohet të jetë informuar se ata do të jenë në gjendje për të nënshkruar me sulmuesin e Juventusit, Mario Mandzukic, për vetëm 4.6 milionë funta gjatë merkatos dimërore të transferimeve.

Mandzukic është përfolur shumë për transferim në Old Trafford gjatë merkatos verore, por vazhdoi qëndrimin te kampioni i Italisë edhe me përfundimin e afatit kalimtar, transmeton portali arbresh.info.

33-vjeçari nuk ka luajtur asnjë minutë të vetme futboll te Juventusi këtë sezon dhe pritet nga të gjithë të largohet qysh në fillim të 2020-ës.

United vazhdon të përflitet për nënshkrimin me një sulmues me eksperiencë dhe sipas Calciomercatos, Juventusi i ka thënë skuadrës së Ole Gunnar Solskjaerit se ata janë të hapur për të zhvilluar bisedime me kroatin nëse ofrojnë 4.6 milionë funta.

Kampioni i njëzetfishtë i Anglisë ka si prioritet nënshkrimin në janar me një sulmues të ri, ndonëse edhe Sevilla mund t’i rivalizojë në garën për shërbimet e Mandzukic./arbresh.info/