Mjeti më ikonik mjekësor është duke u ballafaquar me një prognozë të pacaktuar.

Stetoskopët ka mbi 200 vite prej se përdoren, por tani rivalët me teknologji të lartë janë duke e sfiduar përdorimin e tyre.

Ato përfshijnë pajisje që mbahen në duar dhe që mbështeten në teknologjinë e ultrazërit, inteligjencës artificiale dhe të aplikacioneve telefonike në vend të veshëve të doktorit.

Disa prej tyre madje mund të ofrojnë pamje të zemrës duke rrahur ose të krijojnë elektrokardiograme.

Ekspertët thonë se këto pajisje të teknologjisë së lartë janë po aq të thjeshta për t’u përdorur sa stetoskopët, ndonëse janë më të shtrenjta.

Megjithëse shkollat mjekësore në SHBA i prezantojnë studentët e rinj me mantel të bardhë e stetoskop, shumë prej atyre tani janë duke e mësuar edhe teknologjinë e re.

Dr. Paul Wallach nga Universiteti i Mjekësisë në Indiana thotë se brenda 10 viteve doktorët do të kenë pajisje ultrazëri në xhepat e tyre dhe stetoskopë përreth qafës. /Telegrafi/