Atletico Madridi ka lëshuar një komunikatë zyrtare duke zbuluar gjendjen e mbrojtësin malazez Stefan Savic.

Gjiganti spanjoll në La Liga ka zbuluar se Savic i është nënshtruar disa testeve mjekësore të cilat kanë konfirmuar se ka pësuar një lëndim muskulor të shkallës së dytë në kofshë të këmbës së majtë, shkruan portali arbresh.info.

“Stefan Savic i është nënshtruar disa testeve që kanë konfirmuar se mbrojtësi malazez ka pësuar një lëndim të shkallës së dytë në kofshën e tij të majtë. Gjendja e tij është ende duke u shqyrtuar”, thuhet në komunikatën e lëshuar nga Atletico.

Mbrojtësi i Malit të Zi ishte detyruar të largohet nga fusha të premten e kaluar në ndeshjen e kombëtares së tij kundër Bullgarisë.

Qendërmbrojtësi ishte në fushë për vetëm 39 minuta në takimin në kuadër të kualifikimeve për Euro 2020.

Mungesa e tij në ndeshjen e sotme (e hënë) kundër Kosovës është një shtytje e madhe për djelmoshat tanë./arbresh.info/

[?] PARTE MÉDICO
Stefan Savic se ha sometido a varias pruebas que han determinado que el defensa montenegrino sufre una lesión muscular de grado II en el muslo izquierdo. Queda pendiente de evolución.
➡ https://t.co/w0n6ntOgr2

— Atlético de Madrid (@Atleti) October 14, 2019