Kryeministri i Britanisë së Madhe, Boris Johnson i ka thënë Kabinetit të tij se marrëveshja për Brexit mund të arrihet, por negociatorët e BE-së kanë paralajëmruar se planet e tij nuk janë të qarta dhe nuk janë të mjaftueshme për një marrëveshje.

Johnson tha se përderisa shihet një shteg për marrëveshje, ende kërkohet punë e madhe, ndërsa ka shtuar se Britania e Madhe është duke u përgatitur që të largohet nga blloku në fund të muajit, sikurse është parashikuar.

Ky paralajmërim i dhënë brenda Kabinetit qeveritar në Angli duket se ka lëkundur humorin në Bruksel.

Negociatori kryesor i BE-së për Brexit, Michel Barnier ka informuar qeveritarët e bllokut se bisedimet nuk kanë dhënë asnjë përparim dhe se propozimet e Britanisë së Madhe po bien ndesh me kërkuesat, kryesisht te zona doganore.

Bisedimet mbi Brexit do të vazhdojnë të hënën.

Sipas burimeve të “Bloomberg” në takimin mes Barnier dhe Sekretarin e Përgjithshëm të Këshillit të BE-së Jeppe Tranholm-Mikkelsen është thënë se ambasadorët e 27 vendeve të mbetura në BE kanë deklaruar se marrëveshja do të jetë shumë e vështirë të arrihet përpara samitit që pritet të mbahet gjatë kësaj jave.

Kancelarja gjermane Angela Merkel i ka thënë Britanisë së Madhe se pas daljes nga BE, ajo do të bëhet “konkurente e mundshme” në tregjet globale, së bashku me Kinën dhe SHBA-të.  /arbresh.info/