Ministri i Punëve të Jashtme të Kosovës, Behgjet Pacolli, i ka reaguar homologut të tij rus, Sergei Lavrov, i cili sot tha se Shtetet e Bashkuara të Amerikës, janë duke provuar ta fusin Kosovën në NATO.

Pacolli përmes një postimi në Twitter, ka thënë se Kosovën s’mund ta ndalojë askush drejt këtij qëllimi strategjik.

“Për homologun tim rus, Lavrov: Kosova do të bëhet anëtare e NATO’s me mbështetjen e SHBA’së dhe Evropës. Ky është fati ynë, është zgjedhja jonë e lirë. Askush, aq më pak Rusia, nuk mund të na pengojë nga ky qëllim strategjik që mbron rajonin tonë”, ka thënë Pacolli.

Rusia sot deklaroi se SHBA’ja është duke provuar që ta fusë Kosovën në NATO, bashkë me bazën e saj ushtarake, Bondsteel.

To my counterpart #Russia @mfa_russia FM #Lavrov: #Kosovo is going to be a member state of @NATO w/the support of the United States & Europe. This is our destiny, this is our free choice. None, let alone Russia, can hinder us from this strategic goal that safeguards our region.

— Behgjet Pacolli (@pacollibehgjet) October 2, 2019