Astronomët kanë zbuluar për herë të parë ujë në atmosferën e një planeti që orbitën brenda një zone të banueshme të një ylli të largët.

Gjetja e bën botën – e cila quhet K2-18b – një kandidat të besueshëm në kërkimin e jetës së huaj, transmeton portali arbresh.info.

Brenda 10 viteve, teleskopët e rinj hapësinorë mund të përcaktojnë nëse atmosfera e K2-18b përmban gazra që mund të prodhohen nga organizmat e gjallë.

Detajet u botuan në revistën shkencore Nature Astronomy.

Shkencëtarja kryesore, Prof Giovanna Tinetti i University College London (UCL) e përshkroi zbulimin si të “jashtëzakonshëm”.

“Kjo është hera e parë që kemi zbuluar ujë në një planet në zonën e banueshme rreth një ylli, ku temperatura është potencialisht e përputhshme me praninë e jetës”, tha ajo.

Zona e banueshme është rajoni rreth një ylli ku temperaturat janë mjaftueshëm beninje që uji të ekzistojë në formë të lëngshme në sipërfaqen e një planeti./arbresh.info/