Ekonomia jo formale, mungesa e energjisë elektrike, jo stabiliteti politik, punësimi pa kontrata pune janë vetëm disa nga  problemet kryesore të sektorit privat në vend.

Përderisa Kosova me 6 tetor të këtij viti do të shkojë në zgjedhje të parakohshme, si do të ndikojnë këto zgjedhje në sektorin privat të vendit, e shpjegon Kryetari i Odës Ekonomike të Kosovës (OEK), Berat Rukiqi, përmes një interviste të dhënë për arbresh.info.

Ai, duke thënë se zgjedhjet e parakohshme ndikojnë negativisht në sektorin privat, u shpreh se njëra prej problemeve kryesore vazhdon të jetë korrupsioni dhe nepotizmi, por që partitë  politike këto dukuri i përmendin vetëm kur bëhet fjalë për mbledhje votash.

“Vendi ynë po shkon në zgjedhje të parakohshme, natyrisht se çdo de-stabilitet politik në vend, shkakton çrregullime në sektorin provat ngase pakohen investimet e huaja. Ekonomia jo formale, mungesa e energjisë elektrike është ndër problemet më kryesore që duhet të zgjidhen. Meqë po ka filluar ndërtimi i një hidrocentrali të ri, por i bëjmë thirrje qeverisë së re që të vazhdojë ndërtimin  e saj. Nga ana tjetër një problem serioz i që ndikon në sektorin privat është korrupsioni dhe nepotizmi, e për fat të keq opozita dhe pozita në Kosovë, i përmendin këto dy faktorë vetëm kur bëhet fjalë për zgjedhje dhe mbledhje të votave, por, nuk propozojnë zgjidhje “, u shpreh Rukiqi.

Ai më tutje ka folur edhe për sfidat që po e presin qeverinë e ardhshme.

“Qeveria e ardhshme duhet të bëjë që punëtorët e Sektorit Privat të mos punojnë pa kontratë.  Fiskalizimi është një problem i madh ngase të gjitha ndërmarrjet i kanë aparatet për të por shumica nuk i përdorin  Energjia elektrike duhet të ketë tarifa të ndryshme në zona të ndryshme.  Rritje e fondit për eficiencë. Krijimi i Gjykatës Komerciale, kemi filluar punimet edhe shpresojmë që edhe qeveria e ardhshme ta vazhdojë.  I ftoj partitë politike që dojnë me e udhëheqësit vendin të mirën me këto rekomandime”, tha Rukiqi.

Zgjedhjet e parakohshme nacionale mbahen me 6 tetor, dhe ende pa filluar fushata, partitë politika kanë shpeshtuar retorikën e qeverisjes me “duar të pastra”. /A.Begolli./arbresh.info/

https://www.facebook.com/arbresh.info/videos/413715362829551/