Alexis Sanchez do të bartë fanellën me numër 7 te Interi pas finalizimit të marrëveshjes huazimi për një sezon nga Manchester United.

Kiliani ka pozuar me numrin e tij të ri, i cili ishte i zënë deri para largimit të Mauro Icardit në formë huazimi, transmeton portali arbresh.info.

Fanella me numër 7 i ishte dhënë fillimisht Icardit, i cili në të kaluarën ka bartur fanellën me numër 9, para se argjentinasi të finalizonte në ditën e fundit të afatit kalimtar transferimin në Paris Saint Germain.

https://twitter.com/Inter_en/status/1168810995130785792

Sanchez mund të jetë i gatshëm për debutim te Interi kundër ish skuadrës së tij – Udineses pas pushimeve ndërkombëtare më 15 shtator.

Transferimi te Interi i jep fund periudhës së tij të tmerrshme në Old Trafford, ndonëse Sanchez së fundmi ka thënë se nuk mendohet për këtë lëvizje dhe beson se atij nuk i është dhënë shansi mjaftueshëm në klub./arbresh.info/