I dërguari i presidenti amerikan për koalicionin anti-DEASH, James Jeffrey, ka deklaruar se mosmarrëveshjet në lidhje me fushën e një zone të sigurt në verilindje të Sirisë dhe çështjet e tjera po parandalojnë zbatimin e saj, raporton Anadolu Agency (AA).

“Turqit duan një zonë më të thellë sesa ajo që ne mendojmë se ka kuptim”, u tha Jeffrey gazetarëve në Departamentin e Shtetit, duke përmendur Washingtonin se propozoi një zonë prej rreth 5-14 kilometra përgjatë kufirit sirian.

Jeffrey më tej citoi “ndryshime të pikëpamjeve” të paspecifikuara se si SHBA dhe Turqia “do të vepronin në atë zonë”.

“Ne mendojmë se kjo është një marrëveshje që mund t’ua shesim njerëzve në verilindje të Sirisë. Kjo është shumë e rëndësishme”, u shpreh ai.

Jeffrey shtoi se SHBA është e ndërgjegjshme për shqetësimet në lidhje me “PKK-në dhe degëzimet e PKK-së”, por “njëlloj” është e përkushtuar për të mbrojtur partnerin kryesor amerikan në verilindje të Sirisë nga sulmet.

“Ne jemi të përkushtuar për ata që kanë luftuar me ne të mos sulmohen dhe të mos dëmtohen nga askush”, tha Jeffrey, duke theksuar se kjo përfshin “shqetësimet tona për turqit”.

SHBA kryesisht ka bashkëpunuar me SDF-në në verilindje të Sirisë në luftën kundër DEASH-it. SDF drejtohet nga YPG, dega siriane e PKK-së, një organizatë terroriste e emëruar në SHBA dhe Turqi.

Ministri turk i Mbrojtjes, Hulusi Akar, informoi homologun e tij amerikan në një telefonatë se Turqia pret që SHBA të ndalë plotësisht mbështetjen e saj për PKK/YPG-në.

Akar tha se Turqia do të jetë e detyruar të krijojë një zonë të sigurt nëse vendet nuk arrijnë të gjejnë terren të përbashkët, sipas një deklarate të lëshuar nga Ministria e Mbrojtjes Kombëtare.