Kryetari i Rahovecit del në vendin ku ndodhi aksidenti tragjik

20:34 | 26 Korrik 2019
A. B.

Kryetari i Rahovecit, Smajl Latifi ka shkuar në Bërnjak ku ndodhi një aksident trafiku që la të vdekur tre persona dhe tre të lënduar.

Përmes një postimi në Facebook, ai ka ngushëlluar familjarët dha ka lutur qytetarët që të jenë të kujdesshëm në komunikacion.

Postimi i plotë i Latifit:

U trondita nga lajmi i para pak orëve, ku në një aksident të rëndë trafiku në Bërnjak kanë humbur jetën 3 qytetarë, kurse 3 janë lënduar! Sapo mësova për rastin dola në vendin e ngjarjes, për të kuptuar nga afër se çfarë ka ndodhur.

Dua t’i ngushëllojë sinqerisht familjarët e viktimave, ndërsa të lënduarve ju uroj shërim të shpejtë.

Njëkohësisht, lus qytetarët që të kenë shumë kujdes në komunikacion, sidomos tani që është rritur fluksi i automjeteve në rrugë!