Agjencioni për Zhvillim Ndërkombëtar i Shteteve të Bashkuara (USAID) përmes programit Avancojmë Kosovën së Bashku – Zgjidhje Vendore (AKT-LS) finalizoi sot marrëveshjet me njëmbëdhjetë organizata të shoqërisë civile (OSHC).

Siç komunikoi USAID, këto organizata të cilat janë me bazë në Kosovë do të zhvillojnë aktivitete për përmirësimin e komunikimit dhe bashkëpunimit në mes të komuniteteve shumicë dhe atyre pakicë si dhe për ngritjen e efikasitetit të komunave të shënjestruara, duke përfshirë organizimin e ngjarjeve kulturore multietnike, mbështetjen e bizneseve shumicë dhe atyre pakicë përmes asistencës së drejtpërdrejt teknike, si dhe rritjen e komunikimit, bashkëpunimit dhe pjesëmarrjes së të rinjëve dhe grave në iniciativa të ndryshme.

Këto aktivitete do të mbulojnë drejtpërdrejt 16 komuna partnere të AKT-LS: Graçanicën, Kllokotin, Parteshin, Ranillugun, Novobërdën, dhe Shtërpcën, Obiliqin, Gjilanin, Istogun, Klinën, Pejën dhe Vushtrrinë, Mitrovicën e Veriut, Leposaviqin, Zubin Potokun dhe Zveçanin.

OSHC-të përfituese janë:

Tourism Organization Gracanica (TOG) – Graçanicë

European Center for Minority Issues (ECMI) – Prishtinë

TV Network (TV Mreza), – Graçanicë

Advocacy Center for Democratic Culture (ACDC), Mitrovicë e Veriut

Business Support Center Kosovo (BSCK), Prishtinë

Network of Peace Movement (NOPM), Kamenicë

NGO Çohu, Prishtinë

Regional Environmental Center (REC), Prishtinë

Riinvest, Prishtinë

Prishtina Institute for Political Studies (PIPS) Prishtinë, dhe

The Centre for Social Affirmation of Youth (CSAY) Ranillug