Jeta Krasniqi nga Instituti Demokratik i Kosovës, ka thënë se Josep Borrell do të përfaqësojë të gjitha shtetet e BE-së në krye të diplomacisë evropiane.

“Presim që edhe ai të ketë një qëndrim të tillë[sikur Be], por kemi frikë sepse ai vjen nga një shtet jonjohës – Spanjës”.

Ajo në Zona e Debatit në Klan Kosova ka theksuar se shtetet serioze arrijnë marrëveshje ndërkombëtare dhe i zbatojnë ato.

“Dialogu Kosovë-Serbi është shumë i rëndësishëm. Në jetën e përditshme qytetarët serbë në Serbi nuk ndikohen sikur ne. Për ne është më e rëndësishme zgjidhja. Kemi problemin e jashtëm sepse jemi gjithmonë në sfidën e shtetësisë sonë. BE ka shumë prioritete, Kosova dhe Serbia është njëra ndër to”, ka thënë Krasniqi.

“Maqedonia e Veriut dhe Greqia arritën marrëveshjen por BE nuk u shpreh e gatshme që t’ua hapë dyert pa i përmbushur të gjitha kriteret. BE nuk ka tjetër që t’ia jap Kosovës tjetër përveç fondeve. Kosova nuk njihet nga pesë shtetet dhe pa u njohur nga të gjitha nuk mund të ketë hapa konkret drejt integrimeve”.

“SHBA-ja na ka sjell këtu ku jemi, ne duhet të sillemi si shtet. Borrell ka rol të rëndësishëm dhe duhet të jemi vigjilent në rolin e tij, por edhe me Mogherinin dhe personi që ka këtë pozitë nuk mund ta shtyjë vetëm një çështje përpara”.