Shefja e re e Komisionit Evropian, ministrja gjermane e Mbrojtjes, Ursula von der Leyen, ka zbuluar sot se gjatë viteve 70-ta kishte qëndruar për një vit në Londër, duke u fshehur nga komunistet-terroristë të Gjermanisë.

Ajo ka kaluar 12 muaj të jetës së saj në qytetin plotë ngjyra në Londër, duke u fshehur nga një prej bandave më të këqija ‘Meinhof Gang’, një grup i ekstremit të majtë që kreu shumë vrasje dhe sulme me bomba.

Për të mos u zbuluar, von der Leyen kishte ndërruar edhe identitetin duke shfrytëzuar emrin e stërgjyshes së saj, Rose Ladson.

Emërimi i saj erdhi pasi që Presidenti i Këshillit Evropian, Donald Tusk, i kërkoi Parlamentit Evropian që të miratojë emërimin e saj si presidentet e ardhshme e Komisionit Evropian.

“Për herë të parë kemi arritur një balancë ideale gjinore në pozicionet më të larta. Evropa tashmë përveç që flet për gratë, edhe i zgjedh ato”, ka thënë Tusk, i cili ka votuar për emërimin e gjermanes në krye të Komisionit Evropian.

Ursula von der Leyen kishte studiuar për ekonomi në Universitetin e Gottingenit në vitet 70-ta, duke e pranuar që gjatë qëndrimit në Britaninë e Madhe “ka jetuar më shume se sa që ka studiuar”./GazetaExpress