Njësitet e Doganës dje kanë ushtruar një kontroll në disa lokacione, respektivisht në disa kazino në qytetin e Therandës me qëllim verifikimin e pagesës së akcizës për lojërat e fatit.

Kontrolli është ushtruar në 3 lokacione të ndryshme, ku gjatë kontrolleve janë gjetur dhe konfiskuar 3 aparate të lojërave të fatit të pa licencuara.

Aksioni ka qenë i përkrahur dhe i koordinuar me Policinë e Kosovës, stacioni i Policisë në Therandë. Vlen të potencohet se është plani i dytë me radhë gjatë kësaj jave në rajonin e Prizrenit ku në një rast të mëhershëm, janë zbuluar edhe tri lokacione ku nga ato janë konfiskuar 8 aparate ilegale në Prizren.

Të gjitha rastet janë përcjell tutje për trajtim nga Sektori për kundërvajtje doganore. Gjatë kësaj jave janë konfiskuar 11 aparate ilegale të lojërave të fatit.