Ish-diplomati legjendar austriak Albert Rohan ka ndërruar jetë në moshën 83 vjeçare.
Lajmin e ka bërë të ditur Ministria e Jashtme e Austrisë.
“Me vdekjen e Albert Rohan Austria humb një nga diplomatët më të shquar”.
“Ngushëllimet më të sinqerta për bashkëshorten e tij Monika dhe familjen. Për diplomacinë austriake, për punonjësit e Ministrisë së Punëve të Jashtme dhe për mua personalisht humbja e tij do të thotë humbja e një shembulli për t’u ndjekur”, tha Ministri i Jashtëm i qeverisë së përkohshme, Alexander Schallenberg.
Rohan, i lindur në Melk në vitin 1936, vjen nga një familje e vjetër francez, origjina e të cilës thuhet se daton që nga mbretërit e Bretonit. Rohan studioi drejtësinë në Vjenë dhe në Kolegjin e Evropës në Bryzh (Belgjikë). Ai u bë pjesë e shërbimit diplomatik më 1963 dhe punoi në ambasadat në Beograd dhe Londër. Në vitin 1977, u bë kreu i kabinetit të Sekretarit të Përgjithshëm të Kombeve të Bashkuara, Kurt Waldheim, në Nju Jork. Në vitin 1996, u emërua Sekretar i Përgjithshëm i Ministrisë së Punëve të Jashtme, post të cilin e mbajti deri në vitin 2002.
Negociator i Kosovës
Rohan luajti një rol të madh në formësimin e politikës së Austrisë për Ballkanin në vitet e 90-ta, me qëllim të vendosjes së paqes në këtë rajon dhe zhvillimit të tij.
Ai ishte zëvendës i të dërguarit të posaçëm të OKB-së për negociatat për statusin përfundimtar për Kosovën.
Në vitin 2006, Rohan dha një kontribut të rëndësishëm në negociatat e Përfaqësuesit Special të OKB-së Marti Ahtisaari, për statusin e ardhshëm të krahinës autonome serbe atëkohë, Kosovës, nën administrimin e OKB-së.
Si rezultat i negociatave të Vjenës shpaloset plani për Kosovën, i njohur si Plani i Ahtisarit, i cili zbatohet më pas duke ofruar zgjidhjen e statusit të Kosovës./klan kosova/
Gjesti flet për ish-banorët me të cilët ka ruajtur kontakte:...
Haxhiu: Kemi shtuar 100 noterë të rinj, po punojmë për digji...
Prishtina e Re shpallet kampione në Ligën e Parë, grupi B, i...
Përfundon numërimi i votave të diasporës në 11 qarqe të Shqi...
Rusia, qindra drone drejt Kievit/ Përshkallëzohen sulmet, nj...
Një muaj pas përfundimit të Big Brother VIP – Jozi dhe Lored...