Zëvendësministri i Shëndetësië, Asim Musa pas raportimeve se janë sëmurë 50 për qind e të punësuarve në e personelit mjekësor në spitalin e Strugës tha se në repartin kirurgjik të spitalit të përgjithshëm të Strugës janë sëmurë 16 për qind e të punësuarve, përkatësisht nëntë nga 56 punonjës shëndetësorë që punojnë në këtë repart.

Ai shtoi se në spitalin e përgjithshëm, 70 për qind e të punësuarve janë vaksinuar duke njoftuar se ata që s’janë vaksinuar deri tani, do të marrin MRP vaksinën, përcjell telegrafi maqedoni.

Në njoftimin e Ministrisë së Shëndetësisë theksohet se reparti kirurgjik do të jetë i mbyllur për një javë, ndërsa pacientët do ta kenë mbrojtjen e domosdoshme shëndetësore. Ata do të çohen në spitalet e Ohrit dhe Manastirit.

Nga fillimi i epidemisë së fruthit e deri tani, në Qendrat për Shëndet Publik, janë vaksinuar 1.780 persona, prej tyre 65 për qind janë punëtorë shëndetësorë, studentë dhe nxënës në shkollat e mesme medicinale.

Numri në total i personave të vaksinuar deri në moshën 14 vjet me MRP vaksinën nga fillimi deri tani është 25.808.

“Vaksinimi është e vetmja masë për parandalimin e shpërndarjes së epidemisë së fruthit dhe rritjes së imunitetit kolektiv”, thuhet në njoftimin e Ministrisë së Shëndetësisë.