Kryeministri I Kosovës, Ramush Haradinaj mëngjesin e hënës është nënshkruar në Librin e Zisë në Ambasadën e Shqipërisë.

Haradinaj përmes një postimi në facebook gjithashtu ka shprehur ngushëllime për vdekjen e dy oficerëve shqiptarë në Letoni, shkruan arbresh.info.

“Mëngjesin e sotëm jam nënshkruar në Librin e Zisë, në Ambasadën e Shqipërisë, duke i shprehur ngushëllimet më të sinqerta popullit shqiptar për humbjen e jetës së dy oficerëve shqiptarë në misionin në Riga të Letonisë”, ka shkruar Haradinaj.

Ai ka shtuar gjithashtu se oficerët nderuan flamurin dhe për këtë Kosova do të u jetë mirënjohëse.

“Oficerët e ushtrisë shqiptare, nëntetarja Zarife Hasanaj dhe major Klodian Tanushi, nderuan flamurin dhe atdheun. Kosova përjetësisht mirënjohëse!”, ka përfunduar ai./Arbresh.info/