Presidenti Ilir Meta ka shprehur ngushëllimet për ndarjen nga jeta të Major Klodian Tanushit.

Nëpërmjet një reagimi në rrjetin social Facebook, kreu i shtetit shpreh ngushëllimet më të sinqerta për familjen e ushtarakut Tanushi.

“I tronditur nga lajmi i hidhur i ndarjes nga jeta të Komandantit të Kontingjentit ushtarak shqiptar në misionin e NATO në Letoni, major Klodian Tanushi.Në këto momente shumë të vështira për familjen Tanushi, me zemër jam pranë bashkëshortes dhe tri fëmijëve të tij, duke u shprehur ngushëllimet më të sinqerta!U prehsh në paqen e përjetshme heroi ynë!”

Komandanti i kontingjentit shqiptar në misionin e NATO në Letoni, Major Klodian Tanushi humbi jetën mbrëmjen e sotme në spital ku po kurohej pas plagëve të rënda që mori nga shpërthimi i minave disa ditë më parë. Në atë ngjarje humbi jetën nëntetarja Zarife Hasanaj si dhe u plagos jashtë rrezikut për jetën rreshter Julian Kapaj./tvklan.al