Britney Spears, ka reaguar për herë të parë në lidhje me kohën e vështirë që po kalon së fundmi, me anë të një postimi në Instagram. Në këtë video, artistja e “Toxic” ka folur në lidhje me email-in që i është hackuar, kërcënimet që kanë ardhur në drejtim të saj dhe faktit që nuk ndihet dhe aq e sigurtë.

Në videon e postuar të martën në mbrëmje, 37 vjeçarja thotë: “Doja t’ju përshëndesja dhe t’ju thoja që gjërat që po thonë për mua kanë dalë ajshtë kontrollit!!! Wow!!

Ka thashetheme, kërcënime me vdekje që kanë ardhur në adresën e familjes time dhe kaq shumë gjëra të pavërteta që janë thënë. Po përpiqem që të marr një moment për veten time, por gjithçka që po ndodh po e bën këtë situatë të vështirë për mua. Mos besoni gjithçka që lexoni apo që ju thuhet.

Email-et e rreme që po lexoni, janë të krijuara nga ish-menaxheri im Sam Lutfi shumë vite më parë…Nuk i kam shkruajtur unë. Ai po hiqej si unë dhe ka komunikuar me skuadrën time me emrin tim, me një adresë email-i fallso. Situata që po kaloj është unike, por ju premtoj që po bëj më të mirën time për ta zgjidhur.

Ndoshta nuk e dini këtë për mua, por jam e fortë dhe e ngrej zërin për çdo gjë që dua! Dashuria juaj dhe përkushtimi ndaj meje është i mrekullueshëm, por ajo që dua tani është pak privatësi që të përballem me vështirësitë që më kanë dalë përpara. Nëse mund ta bëni këtë, do ju jem përjetë mirënjohëse. Ju dua!”.

https://www.instagram.com/p/BwnqpG5g7qn/?utm_source=ig_embed&utm_medium=loading