Vendimi i presidentit Hashim Thaçi për shpalljen e zgjedhjeve në veri të Mitrovicës është vlerësuar si proces i vonuar nga LDK’ja.

Deputeti Driton Selmanaj thotë se veriu nuk duhet të lihet pa kontroll politik.

‘Mendojmë që ka qenë i vonuar por gjithsesi i domosdoshëm sepse nuk guxojmë që të lëmë një pjesë të madhe të territorit të Kosovës pa kontroll, së paku politik nga ana e qendrës, nga ana e institucioneve shtetërore në Kosovë sepse ata në atë pjesë menaxhojnë para nga Qeveria e Kosovës. Menaxhojnë shumë procese të tyre dhe ne natyrisht nuk kem qare pa e pasë së paku kontrollin politik sepse e dijmë se një pjesë të sovranitetit tonë është lënë në kuptim të plotë të fjalës atje’, tha Selmanaj për rtv21.

Në zgjedhjet e jashtëzakonshme në katër komunat veriore të Kosovës të drejtë vote kanë 58 mijë e 520 votues me një dallim prej 1507 votues më shumë në krahasim me zgjedhjet lokale të datës 22 tetor të vitit 2017.