Meriton Korenica me dy gola të jashtëzakonshëm e ka frymëzuar Prishtinën drejt një fitoreje të vështirë në udhëtim kundër Ballkanit, duke i mbajtur gjallë shpresat e bardhekaltërve në garë për titull në Superligë.

Goli i Korenicës nga goditja e dënimit rreth një çerek lojë para fundit dhe një tjetër në minutat e fundit, ishin të mjaftueshëm për Prishtinën të fitojë 2:0 kundër Ballkanit në stadiumin e qytetit në Suharekë.

Ballkani ai doli ta ndalë klubin nga kryeqyteti në pjesën e parë, por një moment magjik në pjesën e dytë vendosi ndeshjen.

Prishtina pati më shumë nga loja dhe ishte më pranë golit me Meriton Korenicën, Ergyn Ahmetin dhe Lorik Boshnjakun që rrezikuan portën e vendasve.

Në minutën e 73-të, Korencia shënoi një gol spektakolar nga gjuajta e lirë, duke e lënë të shtangur portierin e Ballkanit, para se ta dyfishonte epërsinë në minutën e 87-të.

Prishtina tani grumbullon 53 pikë dhe kalon në pozitën e dytë, me dy pikë më pak se lideri Feronikeli, që ka një lojë më pak, sonte në orën 17:00 kundër Flamurtarit në kryeqytet.