Ministria e Mjedisit dhe Planifikimit Hapësinor (MMPH) dhe Zyra e BE-së lansojnë aplikacionin mobil për monitorimin e cilësisë së ajrit në shtatë rajonet kryesore të Kosovës.

Ministri i Mjedisit dhe Planifikimit Hapësinor Fatmir Matoshi, ka thënë se  jemi duke punuar ngushtë me qeverinë Japoneze me projekte të ndryshme qe lidhin me cilësinë e ajrit.

“Me qellim te informimit të qytetarëve të Kosovës për cilësinë e ajrit me përkrahje të Komisionit Evropian do te paraqiten të dhënat e cilësisë se ajrit ne kohe reale. Falënderoj Bashkimin Evropian për këtë bashkëpunim, sepse fal këtij aplikacioni cilësia e ajrit do te jetë me e lehtë për qytetaret e Kosovës ky aplikacion përmban edhe te dhëna te tjera. Ky është një hap me shumë në kuadër të angazhimeve. Gjithashtu me qeverinë japoneze jemi duke punuar ngushtë tash e disa vite ne projekte te ndryshme qe lidhen me cilësinë e ajrit ne Kosovë. Qytetarët do te kenë lehtë të kyqen ne 12 stacionet tona”, tha Matoshi.

Luich Brusa nga Komisioni Evropian Thotë se, po ndërmarrim masa të nevojshme për kualitetin e ajrit në mënyrë që të eliminohen burimet e ndotjes.

Tutje tha se po investohen afro 8 milion euro në përmirësimin e ajrit në “Kosova B”.

“Ne jemi të lumtur sepse  në mënyrë transparente do të mund të informohen të gjithë se çfarë lloj të ajrit në po thithim dhe hapi i parë është ta shohim nëse kualiteti i ajrit a është i keq apo i mire. Do të ndërmarrim masa të nevojshme për kualitetin e ajrit në mënyrë qe të eliminohen burimet e ndotjes, shumë shpejt do të ndërmerren  hapa për ndërrimin e filter-eve dhe puna do të fillojë së shpejti po investohen afro 8 milion euro në përmirësimin e ajrit ne “Kosovën B” dhe po i japim përkrahje termokosit në mënyr qe të reduktohet qymyri dhe thëngjilli”, tha ai.