Presidenti i vendit, Hashim Thaçi, e ka shlyer nga Facebook-u njoftimin për dekorimin disenjatores Blerina Kllokoqi Rugova me Medaljen Presidenciale.

Rreth orës 11:40, në llogarinë e tij në Facebook u publikua një postim që tregonte se disenjatorja Kllokoqi Rugova është nderuar me medalje për kontributin e dhënë në fushën e artit, transmeton Klan Kosova.

Ky ishte statusi i plotë i Presidentit Thaçi, i cili më nuk figuron në Facebook.

“Me Medaljen Presidenciale të Meritave, sot e dekorova Blerina Kllokoqi-Rugovën për kontributin e dhënë në fushën e artit”.

“Gërshetimi i së bukurës me kërkesat kulturore dhe sociale në veshjet që dizajnon kreatorja e modës Blerina Kllokoqi-Rugova reflektojnë më së miri në sukseset që ajo ka arritur brenda dhe jashtë vendit. Kreatorja Blerina Kllokoqi-Rugova është ndër shembujt më të mirë për hapësirën që ofron Kosova për zhvillimin e talentit në këtë fushë”.