Një kthesë e papritur ka ndodhur mbrëmjen e sotme (e mërkurë) për shkak se Napoli ka njoftuar se ata do të “shtyjnë” shitjen e Marek Hamsikut te skuadra Dalian Yifung për shkak se “ka ndryshuar” metoda e pagesës.

Marrëveshja ishte e gjitha e vendosur dhe lojtarit madje i është organizuar një event lamtumirës nga bashkëojtarët e tij mbrëmjen e kaluar, transmeton portali arbresh.info.

Megjithatë, këtë mbrëmje Napoli ka lëshuar një deklaratë përmes faqes së tyre zyrtare duke konfirmuar se situata ka ndryshuar.

“Calcio Napoli ka vendosur për të shtyrë shitjen e Marek Hamsikut te klubi kinez për shkak se metoda e pagesës nuk përshtatet me atë të rënë dakord në marrëveshjen e mëparshme”

Fjala “shtyrë” është shfrytëzuar, por kjo mund t’i referohet edhe ndonjë dështimi total të marrëveshjes.

Napoli ishte paraparë të fuste në xhep 15 milionë euro, plus bonuse, ndërsa lojtari do të fitonte 9 milionë euro në vit në Kinë./arbresh.info/

Il Calcio Napoli ha deciso di soprassedere alla cessione di Marek Hamsik ai cinesi poiché le modalità di pagamento della cifra pattuita non collimano con gli accordi precedentemente raggiunti #ForzaNapoliSempre

— Official SSC Napoli (@sscnapoli) February 6, 2019