Barça refuzon fanellën e re nga Nike sepse dukej si e Real Madridit

19:23 | 6 Shkurt 2019
Arbresh Info

Barcelona raportohet të ketë refuzuar një dizajn të ri nga kompania Nike për fanellën e ndeshjeve si mysafirë sepse dukej si ajo e Real Madridit.

Fanella, e cila ishte kryesisht e bardhë, ishte dizajnuar për të përkujtuar shenjtorin katalan, Shën Gjergji, transmeton portali arbresh.info.

Megjithatë, gazeta spanjolle Mundo Deportivo thotë se fanella për ndeshjet si mysafirë e propozuar për sezonin 2020/21 është refuzuar nga zyrtarët e Barcelonës.

Raporti shton gjithashtu se drejtorët janë të shqetësuar për ndonjë polemikë të mundshme rreth shiritit që mund të ketë efekt në zgjedhjet e ardhshme presidenciale që do të mbahen në vitin 2021.

Barcelona do të luaj në Camp Nou sonte (e mërkurë) kundër Real Madridit në kuadër të Kupës së Mbretit./arbresh.info/