Manchester United do t’i jap punë të rregullt trajnerit Ole Gunnar Solskjaeri nëse ai arrin të mposhtë PSG-në në Ligë të Kampionëve.

Trajneri i “Djajve të Kuq” ka pasur një fillim të shkëlqyer në Old Trafford duke fituar tetë dhe duke barazuar vetëm një nga nëntë ndeshjet e fundit, transmeton portali arbresh.info.

Solskjaeri ka kthyer disponimin në klub dhe ata vazhdojnë luftën për top katërshe pas fillimit të tmerrshëm nën udhëheqjen e Jose Mourinhos.

Norvegjezi pësoi rënien e parë në detyrë mbrëmjen e së martës kur barazoi në shtëpi me rezultat 2 me 2 kundër Burnleyt në kuadër të Premierë Ligë. Por, edhe kjo ka impresionuar anëtarët e bordit pas rikthimit duke shënuar dy gola vonë për të siguruar barazimin derisa ishin 2 me 0 vetëm pesë minuta pa përfunduar ndeshje.

Mësohet se drejtori i United, Ed Woodward ka zhvilluar bisedime me trajnerin e ri javën e kaluar në kompleksin stërvitor të klubit në Carrington.

Ai mendohet t’i ketë përcjellur përgëzimet e tij për punën e shkëlqyer në klub deri tani duke i thënë se është i gatshëm për çdo shërbim nëse i nevojitet diçka.

Shumica e skuadrës së “Djajve të Kuq” dhe anëtarët e stafit prapa besojnë se Solskjaeri do të siguroj detyrën në formë të përhershme nëse ata mposhtin PSG-në gjatë këtij muaji./arbresh.info/