Kryeministri Ramush Haradinajka marr pjesë në zbulimin e pllakës me mbishkrimin “Ministria e Mbrojtjes”. Haradinaj së bashku më Ministrin e Ministrisë së Mbrojtjes, Rrustem Berisha kanë zbuluar këtë pllakë.

MinistriiI Ministrisë së Mbrojtjes, Rrustem Berisha ka thënë se zyrtarisht fillon tranzicioni i FSK-së që nga sot.

“Sot është ditë e veçantë për Ministrinë tonë, për Forcën e Sigurisë së Kosovës, për të gjithë qytetarët e Kosovës. Që nga sot do të ndryshoj emertimi i Ministrisë tonë dhe do të jetë Ministria e Mbrojtjes. Falenderoj të gjithë që kontribuan që Ministria jonë të shndërrohet në Ministri të Mbrojtjes dhe Forca e Sigurisë së Kosovës në Ushtri të Kosovës. Zyrtarisht që nga sot është dita e parë ku fillon tranzicioni i FSK-së. Duhet t’i falënderoj të gjithë partnerët tanë ndërkombëtarë, SHBA, NATO-në e në veçanti kryeministrin që në të gjitha etapat e ka përkrahur transformimin e FSK-së e do ta përkrah edhe në procesin e tranzicionit”, ka thënë ai, raporton arbresh.info.

Berisha ka theksuar se procesi i tranzicionit do të zgjas 10 vjet.

“I tërë procesi do të jetë gradual, transparent dhe është i paraparë një plan 10 vjeçar i arritjes së kapaciteteve të mbrotjes. Ashtu siç e kemi paraparë FSK do të jetë forcë multietnike, profesionale e ëprfaqësuara nga të gjithë qytetarët e Kosovës, në interes të ndërtimit të paqes dhe stabilitetit në rajon dhe më gjerë”, ka thënë ai.

Haradinaj tha se i qëndron të gjitha deklaratave të Ministrit Berisha./arbresh.info