Pacientët e Spitalit të Përgjithshëm “Isa Greza”, në Gjakovë, duket se po mbahen mirë sa i përket ushqimit.

Kështu me datën 28 të muajit të kaluar është kurorëzuar kontrata e radhës me D.P.T, Mishtoren “Titi” dhe spitalin në Gjakovë.

Sipas kontratës së publikuar, një kilogramë mish gjedhi- tul i freskët ka kushtuar 6.45 euro, derisa kilogrami për peshq të ngrirë 3.26 euro.

E njëjta kontratë thotë se mishi i bardhë pule ka kushtuar 2.47 euro. Vlera totale indikativë e kontratës është hiç më pak se 59 mijë e 946 euro, shkruan Indeksonline.

Kontrata ka hyrë në fuqi më 27 dhjetor 2018 dhe përfundon më 27 dhjetor 2019. Vendi i dorëzimit të furnizimit do të jetë depo ushqimore e spitalit në Gjakovë.

Kurse, origjina e mallrave do të përcaktohet sipas Kodit të Doganave dhe Bashkësisë Evropiane.