Ministria e Shëndetësisë hesht për dëmet në Spitalin e Tetovës

15:40 | 10 Shtator 2015
Gita

Heshtje në Ministrinë e Shëndetësisë për pajisjet e dëmtuara në spitalin klinik të Tetovës nga përmbytjet e muajit të kaluar. Për shkak të mosfunksionimit të pajisjeve për diagnostikim, vuajnë qytetarët sepse nuk munden t’i marrin shërbimet e nevojshme shëndetësore.

Përkundër tentimit tonë që të kontaktojnë me Ministrinë e Shëndetësisë qoftë nëpërmjet postës elektronike apo telefonit, nga atje nuk ka asnjë përgjigje. Të punësuarit dhe drejtoria në Klinikën e Tetovës shprehin shqetësimin e tyre për përkeqësim të mundshëm të gjendjes për shkak të reshjeve të reja të shiut.

Uji që depërtoi në bodrumin e Qendrës së re të urgjencës shkaktoi dëm të pajisjeve mjekësore në vlerë prej 700 mijë euro. Nga personeli i spitalit thonë se deri më tani nga asnjë institucion kompetent nuk kanë marrë ndihmë për riparimin e dëmeve.