Edhe Mauro Icardi gjobitet nga Interi

22:27 | 9 Janar 2019
Arbresh Info

Mauro Icardi thuhet të jetë gjobitur me një shumë prej 100 mijë eurove nga Interi për ardhjen me vonesë në stërvitje.

Argjentinasi nuk është lojtari i parë i “Nerazzurrëve” me masa disiplinore që është ndëshkuar së fundi për shkak se edhe Radja Nainggolan është gjobitur për vonesë në stërvitje gjatë muajit dhjetor para ndeshjes shumë të rëndësishme kundër Napolit, transmeton portali arbresh.info.

‘Sky Sports’ raporton se Icardi është gjobitur nga klubi si pasojë e arritjes së tij me vonesë kur Interi u rikthye të martën në stërvitje.

Lajmi do të nxit gjithashtu thashethemet rreth të ardhmes derisa bisedimet për një kontratë të re janë ndërprerë.

Agjentja dhe gruaja e tij, Wanda Nara ka bërë të qartë se të dy palët janë larg sa i përket detajeve kur ka folur rreth kontratës të mërkurën./arbresh.info/