Tyson Fury nuk është mjaftuar me rikthimin e madh të 2018-ës.

Ai po vazhdon stërvitjet për një vit edhe më të madh se ai që kemi lënë pas.

Boksieri britanik me shumë gjasë edhe duelin e radhës do ta ketë kundër Deontay Wilder, si kontestues i titullit “WBC”.

Fury sot ka publikuar një foto në rrjetin social “Twitter” ku shihet me trajnerin Ben Davison duke vrapuar.

https://twitter.com/Tyson_Fury/status/1081532051088658432

“Përfunduam vrapimin e mëngjesit” ishte mbishkrimi në fotografinë e 30 vjeçarit, transmeton lajmi.

Në ndeshjen e parë si kontestues i titullit të Wilder, Fury nuk arriti më shumë se një barazim, me vendimin e jurisë që shkoi për barazim.

E gjithë audienca sportive ishte e mendimit se Fury e fitoi atë duel, mirëpo ato mendime nuk kanë vlerën e jurisë.

Por, me gjasë palët do të pajtohen për një revansh, ku Fury do të ketë mundësinë e dytë, dhe këtë shans ai duket se nuk dëshiron ta lëshoj. Për këtë edhe po përgatitet dita e ditës.