Diplomatja nderi e Kosovës është “rekrutuar” në fushën e anëtarësimit të Kosovës në UNESCO, kanë thënë për “Danas”, përfaqësues të Qeverisë së Kosovës.

Ata specifikojnë se në këtë fushatë është përfshirë pop-ylli Rita Ora, e cila shkroi një kolumnë për gazetën e famshme ndërkombëtare parisiene “La Lettre Diplomatique”, e cila lexohet në të gjitha ambasadat, transmeton Indeksonline.

Në të njejtën kohë, nobelisti amerikan me prejardhje shqiptare, Ferid Murad, dërgoi një letër mbështetëse për Kosovën e pas këtij edhe sopranoja e famshme shqiptare në tërë botën, Inva Mula e bëri të njejtën gjë.

Zëvendësministri i Jashtëm, Petrit Selimi tha për “Danas” se Kosova është angazhuar për një fushatë pozitive për integrimin e Kosovës në rrjedhat globale të arsimit, shkencës dhe kulturës, ndërsa fushata serbe dhe ambasadori Darko Tanaskoviq bashkë me Marko Gjuriqi kanë folur për aplikimin e Kosovës në UNESCO, që e cilësojnë përleshje të qytetërimeve dhe feve, e gjitha kjo e përshtatshme për seri të “Game of Thrones”.

“Ndihma e Rita Orës dhe figurave tjera e ndihmon qasjes tonë pozitive”, tha Selimi.

Rita Ora në kolumën e saj ka shkruar se ajo u largua nga Kosova për një jetë më të mirë dhe ishte një “refugjate foshnje” dhe si e tillë mbështetë përpjekjet e ndërmarra nga autoritetet e vendlindjes së saj, Kosovës, për tu antarësuar në UNESCO, që është një shancë i mirë për të popullin e Kosovës dhe rininë e Kosovës.

“Nga dora e parë ndjeva të them se kur jeni refugjatë, mbart në vete shumë paragjykime që mund të shkaktojnë izolime… Unë jam krenare për Kosovës, vendin e origjinës sime që zgjodhi rrugën e bashkëpunimit”, tha Rita Ora, e cila është ambasadore nderi e Kosovës