Mbyllet fondacioni bamirës i Trumpit për shpërdorim fondesh

17:40 | 18 Dhjetor 2018
Arbresh.info

Fondacioni bamirës i presidentit amerikan Donald Trump pritet të mbyllet për shkak të akuzave që ka keqpërdorur fondet.

Veprimi vjen pasi është arritur një marrëveshje me kryeprokurorin e shtetit të Nju Jorkut, Barbara Underwood, e cila do të mbikëqyrë shpërndarjen e parave të mbetura, transmeton portali arbresh.info.

Ajo ka akuzuar Trumpin dhe anëtarët e tjerë të familjes se kanë përdorur fondacionin për përfitime personale dhe politike.

Rasti kundër tyre do të vazhdojë.

Zonja Underwood tha: “Kjo është një fitore e rëndësishme për sundimin e ligjit. Ekziston një grup rregullash për të gjithë.

“Ne do të vazhdojmë të lëvizim përpara me padinë për t’u siguruar që Trump Foundation dhe drejtorët e saj të mbahen përgjegjës për shkeljet e tyre të qarta dhe të përsëritura të ligjit shtetëror dhe federal”.

Presidenti Trump ende nuk ka komentuar rastin./Arbresh.info/