Mijëra njerëz u mblodhën të hënën mbrëma jashtë ndërtesës së televizionit shtetëror të Hungarisë, për të pestën natë me radhë, për të protestuar kundër qeverisë djathtiste të kryeminstrit, Viktor Orban.

“Nuk do të largohemi”, “Ata po gënjejnë ditë e natë”, brohorisnin protestuesit.

Dy ligjvënës u tërhoqën zvarrë jashtë ndërtesës së televizionit në Budapest, pasi bënë përpjekje të nxjerrin në transmetim një peticion kundër Orbanit.

Peticioni bënte thirrje për tërheqjen e, siç thuhet, “ligjeve të skllavërisë”.

Protestat janë ndër më të mëdhatë në disa muaj dhe shpërthyen pas kalimit të një ligji të ri të punës, i cili mundëson gjashtë ditë pune në javë.

Por, protestuesit po ashtu kërkojnë të luftohet korrupsioni qeveritar, të krijohet një gjyqësor i pavarur dhe të mbrohen mediat e pavarura.

Qeveria e ka mbrojtur ligjin e ri të punës, duke thënë se ai do të lehtësojë mungesën e punëtorëve.

Rekomandojmë

Deklarata e Haradinajt pas takimit të MSA-së në Bruksel

Gratë thyejnë barrierat në “profesionin e burrave”