Kryeministri Rama priti edhe miratimin e projekt ligjit të dytë në rendin e ditës, atë që kishte drejtpërdrejt lidhje me transformimin e FSK-së në ushtri e Kosovës, pas miratimit të transformimit të Ministrisë për FSK-në në Ministri e Mbrojtjes së Kosovës, për të përshëndetur votimin e zhvilluar këtë të premte historike në Kuvendin e Kosovës.

Kryeministri postoi një foto të presidentit Hashim Thaçi me mbishkrimin urime, urime, urime shoqëruar me flamujt e Kosovës, Shteteve të Bashkuara dhe Bashkimit Europian.

Rama zgjodhi foton e presidentit të Kosovës, Hashim Thaçi, i cili doli me uniformë ushtarake një ditë më parë teksa vizitonte kazermën “Adem Jashari”.

https://www.facebook.com/edirama.al/photos/a.10151850199621523/10156308766986523/?type=3&theater