Drejtori i Drejtorisë për Buxhet dhe Financa, Shukri Gashi, së bashku me drejtorin e Administratës, Hysen Muzliukaj si dhe koordinatori për performancë komunale, Mehmet Bajrami, kanë pritur sot në takim dy përfaqësuese të projektit të DEMOS-it ( Helvetija ) Ilire Daija Buza dhe Shqiponja Vokshi.

Qëllimi i këtij takimi ishte bisedimi lidhur me indikatorët e përformancës, rreth formave të bashkëpunimit për një përformancë më të mirë.

Mehmet Bajrami, koordinatori për përformance komunale, ka falënderuar përfaqësueset e projektit DEMOS, për mbështetjen që po i japin Komunave të Kosovës, përfshirë këtu edhe Komunën e Mitrovicës.

“Komuna e Mitrovicës me performancën komunale për vitin 2018, qëndron më mirë krahasuar më vitet paraprake,ajo ka qenë përfituese e grandit edhe në vitin 2016, ndërsa për vitin 2017 komuna ka arritur të fitojë grand në shumën prej 76,525 euro”, ka thënë koordinatori Bajrami.

Gjithashtu përfaqësueset e DEMOS –it njoftuan se shumë shpejtë do të filloi trajnimi për formën e re online të performancës, ndërsa gjatë vitit 2019 do të fillojnë trajnimet për zyrtarët komunal përgjegjës të cilët do të merren me përmirësimin e indikatorëve dhe të treguesve të performancës.

Në fund të takimi përfaqësueset e DEMOS –it së bashku me koordinatorin për përformancë komunale,Mehmet Bajrami, kanë vizituar edhe parkun tek varrezat ortodokse, në hyrje të qytetit, projekt ky i realizuar falë grandit të përformancës së vitit 2016./arbresh.info