Zëvendëskryeministri i parë i Kosovës, Behgjet Pacolli, në konferencën franko-gjermane të luftës kundër trafikut të armëve te zjarrit në Ballkanin Perëndimor, rikonfirmoi angazhimin e vendit tonë për të qenë pjesë shumë aktive e kësaj përpjekje.

Pacolli në rrjetin e tij social facebook, ka shkruar se Krimi e trafiku nuk njohin kufinj, ndaj lufta kundër tyre duhet të jetë ndërkufitare dhe e bashkërenduar./Arbresh.info/

Ja postimi i tij i plotë:

“Në konferencen franko-gjermane të luftës kundër trafikut të armëve te zjarrit në Ballkanin Perëndimor, rikonfirmova angazhimin e Republikës së Kosovës për të qenë pjesë shumë aktive e kësaj përpjekje.
Krimi e trafiku nuk njohin kufinj, ndaj lufta kundër tyre duhet të jetë ndërkufitare dhe e bashkërenduar. Bashkë me ministrin e brendshëm paraqitëm plane konkrete për bashkëbiseduesit tanë – kolegët nga rajoni, institucionet franceze dhe gjermane dhe organizatat ndërkombëtare të pranishme.
Republika e Kosovës me të gjitha kapacitetet shtetërore është e përkushtuar që ti kontribuojë sigurisë dhe paqes në rajon dhe më gjerë”, ka shkruar Pacolli.