Shala apelon tek qytetarët që të konsumojnë sa më shumë prodhime vendore

14:00 | 29 Nëntor 2018
M. A.

Ministri i Tregtisë dhe Industrisë, Endrit Shala, ka apeluar tek qytetarët e Kosovës që të përdorin sa më shumë produkte vendore.

Përmes një postimi në Facebook, Shala është shprehur se është ndarë i kënaqur me produktet vendore që po ekspozohen nëpër marketet e Kosovës.

Sipas tij, konsumi i produkteve vendore, fuqizon ekonominë e vendit.

Ky është postimi i Shalës në Facebook:

Jashtëzakonisht i kënaqur me produktet vendore që sot u ekspozuan në “Viva Fresh” në ditën e dytë të Javëve të Biznesit Kosovar. I vizitova dhe i inkurajova të rrisin edhe më shumë cilësinë dhe Ministria e Tregtisë dhe Industrisë, do t’i mbështes dhe do t’iu qëndrojë pranë. Lus qytetarët që ta kenë prioritet konsumin e produkteve vendore që ta fuqizojmë ekonominë e Kosovës.