Hetimet lidhur me vrasjen e liderit serb, Oliver Ivanoviq, kanë vazhduar edhe sot nga ana e organeve të drejtësisë në Serbi.

Ministria e Punëve të Brendshme e Serbisë, sot duke vepruar në përputhje me kërkesën e Prokurorisë së Krimit të Organizuar, kanë zhvilluar një bisedë me Milan Radojçiçin, rreth vrasjes së politikanit serb, Oliver Ivanoviq.

Radojçiç, ndryshe është njëri nga të dyshuarit për përfshirjen në vrasjen e Ivanoviq.

Policia ka marrë në pyetje Radojçiçin, për të mbledhur informacionet e nevojshme lidhur me vrasjen e udhëheqësit të Iniciativës Qytetarë SDP-së”, thuhet në deklaratën e Ministrisë së Punëve të Brendshme të Serbisë.

Kujtojmë faktin se përveq dyshimeve tek Radojçiç, Policia e Kosovës ditë më parë ka arrestuar disa persona tjerë, si të dyshuar të përfshirë në këtë vrasje.

Ndryshe, kreu i Iniciativës Qytetare “Liri, Demokraci, Drejtësi”, Ivanoviq është qëlluar me armë zjarri, para zyrës së tij në Mitrovicë në janar të këtij viti.