Ato të dyja janë këngëtare dhe tekstshkruese të  njohura ndërkombëtare.

Bebe Rexha dhe Dua Lipa u duken tejet elegante, teksa darkuan së bashkë në Londër, të premtën, shkruan DailyMail, përcjell portali arbresh.info

Bebe, 29 vjeçe, tregoi linjat e saj në një fustan të shkurtër rozë, me një rrip në bel, ndërsa e kishte kombinuar me një palë çizme të gjata të zeza. Ajo dukej tejet provokative me këtë veshje.

Në anën tjetër, këngëtarja e hitit “One Kiss”, Dua Lipa, 23 vjeçe, kishte veshur një bluzë të gjelbër, të kombinuar me pantallona dhe xhaketë ngjyrë gështenje.

Dua këtë muaj ka qenë e pranishme në Bilbao të Spanjës për “MTV EMAs”, ku edhe e fitoi çmimin “Best Pop”.

Ajo po ashtu gjatë këtij muaji mori çmimin për këngën më të mirë ndërkombëtare, në ceremoninë e ndarjes së çmimeve “BAMBA 2018” në Berlin, Gjermani.

Dua nuk u ndal me kaq, pasi ishte nominuar në disa kategori në NRJ Music Awards, ajo mori çmimin për këngën më të dëgjuar me hitin “One Kiss”.

Ndërsa, Bebe u bë e njohur për stilin e veçantë dhe aftësitë e shkëlqyera në shkrimin e teksteve, që kur ajo doli në skenën muzikore në vitin 2013. /arbresh.info/