Deputetja e Kuvendit të Kosovës nga radhët e Lidhjes Demokratike të Kosovës, Vjosa Osmani, ka thënë se mandati i qeverisës së Ramush Haradinajt mund të vuloset nëse lejon apo parandalon copëtimin e Kosovës me idenë e presidentit Hashim Thaçi për shkëmbim territoresh me Serbinë.

Deputetja ka thënë në KTV se Haradinaj me katër vota mund të vendos kundër planit për copëtimin e Kosovës që ka ekzistuar me dekada.

“Ky mandat do të vuloset nëse kjo qeveri ka lejuar apo parandaluar cotpimin e Kosovës. Me katër vota Haradinaj mund ta parandalojë copëtimin e Kosovës, plan që ka ekzistuar që prej viteve 90. Për çka mbetën 13 mijë të vrarë, 20 mijë gra të dhunuara, 1700 persona të zhdukur, për çka është bërë lufta kur plane të tilla është kundërshtuar kur kemi qenë të rrezikuar që të shfarosemi si popull. Në kohë të Millosheviqit e kemi kundërshtuar copëtimin e Kosovës, kurse sot po e heshtim për shkak të mundësive për pushtet”, ka thënë Osmani.