Arban Abrashi, zëdhënës i Qeverisë së Kosovës, ka thënë se gjuha që kryeministri i Kosovës, Isa Mustafa, ka përdorur kohët e fundit në statuset e tij në Facebook, ka ardhur si detyrim ndaj shantazheve e kërcënimeve që ia kanë bërë pjesëtarë të Lëvizjes Vetëvendosje.

“Nuk është komunikim i zotit Mustafa, por ka qenë i detyra. Kjo ka ndodhur si pasojë e një tensionit politikë”, transmeton klan Kosova.

“Grupe të organizuara kanë shkuar tek familja e kryeministrit, ai është kërcënuar në baza familjare, kjo ka krijuar panik edhe në familje të zotrit Mustafa”.

Abrashi ka shpjeguar edhe arsyen e shtimit të rrethojave pranë objektit të Qeverisë.

Ai tha se hekurishtet janë vendosur me rekomandim të Policisë së Kosovës.

“Një sistem alarmi, plan evakuimi, vendosja e rrethojave, kanë qenë rekomandime të Policisë së Kosovës, bashkë me disa rekomandime të tjera – 12 gjithsej, ky është një raport i bërë më herët nga Policia”.