Ndërsa kësaj radhe e ka çuar në nivel tjetër armiqësinë e tij me rivalin e tij, Ja Rule.

“Njerëzit mendojnë se jam i keq, prandaj shikojeni këtë. 15 dollarë, prisni ta shihni se çfarë do të bëj tash”, ka shkruar reperi në Instagram krahas një fotografie të biletave që shiten në Groupon.

Koncerti i Ja Rule do të mbahet më 9 nëntor në Arlington të Teksasit, ndërsa 50 Cent është kujdesur që të ketë sa më pak të pranishëm.

Për më shumë, reperi që e ka provuar veten edhe si aktor, e ka publikuar një fotomontazh në profilin e tij në Instagram, ku shfaqet vetëm në mesin e ulëseve të zbrazëta.

https://www.instagram.com/p/BpbPc3VntJU/?utm_source=ig_embed

Edhe pse koncerti nuk është mbajtur akoma, 50 Cent është shfaqur sikur koncerti të ishte mbajtur duke shkruar: Çfarë koncerti, mendoj i shkëlqyer. Bëje prapë. Fëmija im shkoi në tualet”.

Zënka e dy reperëve daton që para 15 vitesh, ndërsa secili e ka versionin e vetë për mënyrën si filloi.

Sipas Rolling Stone, Curtis Jackson (50 Cent) thotë se Ja Rule e kishte akuzuar pa të drejtë për vjellje të stolive dhe këtë ia kishte thënë themeluesit të Murder Inc. Records, Irv Gotti.

Teksa Jeffrey Atkins (Ja Rule) deklaron se armiqësia mes tyre ka nisur gjatë xhirimit të një videoklipi në qytetin e tyre, Queens. Sido që të jetë, që nga ajo kohë dy reperët kanë vazhduar me vite të tëra duke i bërë ‘diss-e’ njëri-tjetrit.