Deputetja e Lëvizjes Vetëvendosje ka kërkuar nga Komisioni qeveritar për njohjen e statusit të personave të dhunuar gjatë luftës, që të raportoj në Kuvendin e Kosovës.

Ajo ka thënë se ky komision duhet të raportoj sa më parë në Kuvend, gjegjësisht në komisionet përkatëse për refuzimin e mbi 100 aplikacioneve të personave të dhunuar gjatë luftës.

“Komisioni qeveritar për njohjen e statusit të personave të dhunuar gjatë luftës duhet të raportoj sa më parë në Kuvend, gjegjësisht në komisionet përkatëse për refuzimin e mbi 100 aplikacioneve të personave të dhunuar gjatë luftës!”, ka shkruar Haxhiu.

Ky është postimi i plotë i Haxhiut:

Komisioni qeveritar për njohjen e statusit të personave të dhunuar gjatë luftës duhet të raportoj sa më parë në Kuvend, gjegjësisht në komisionet përkatëse për refuzimin e mbi 100 aplikacioneve të personave të dhunuar gjatë luftës!

Çfarë faktesh i duhen Komisionit?

Çfarë duhet si dëshmi për të bindur këtë Komision se dikush është dhunuar seksualisht gjatë luftës, para gati 20 viteve?

Numri i veteranëve është katër fishuar ndërsa tek viktimat e dhunimit seksual kërkojnë kushedi sa dhe çfarë dëshmi!

Kujtojmë:

Në fillim të këtij muaji ka nisur procesi i aplikimit për verifikimin e statusit të personave të dhunuar gjatë luftës së fundit në Kosovë. Deri më tani janë dorëzuar 15 aplikacione, ndonëse interesimi për procedurat e aplikimit ka qenë i madh, thonë zyrtarë të Qeverisë së Kosovës.

Ndryshe, në vitin 2014, Kuvendi i Kosovës ka miratuar ndryshimet e nevojshme ligjore në mënyrë që personave të kësaj kategorie t’u rregullohet statusi dhe të marrin pensionin që u takon më ligj.