Robbie Williams dhe Ayda Field kanë njoftuar se janë bërë prindër përmes një nëne surrogate.

Field, e cila është anëtare jurie në ‘X Factor’, e ka publikuar një fotografi të duarve të familjes së saj në Instagram.

“Me gëzim të madh ju njoftojmë se kemi një vajzë… Mirë se vjen në botë Colette (Coco) Josephine Williams!”.

“Ka qenë një rrugë shumë e gjatë dhe e vështirë deri këtu, prandaj vendosëm që ta mbanim të heshtur”, ka shkruar ajo në Instagram.

Aktorja amerikane e ka falënderuar edhe nënën surrogate dhe ka thënë se ndihet e bekuar që jeton në një botë, ku diçka e tillë është e mundur.

https://www.instagram.com/p/BnalTm2AlLo/?utm_source=ig_embed

Williams dhe Field i kanë edhe dy fëmijë të tjerë, Teddy dhe Charlot, gjashtë dhe katër vjeç respektivisht.

Bashkëshortja e Robbiet e ka përfunduar postimin në Instagram duke thënë: Ashtu si me Teddyn dhe Charlien, kërkojmë që ta respektoni privatësinë e Cocos dhe të na lejoni ta rritim në ekipin tonë të ri prej pesë (anëtarëve)”, ka shkruar aktorja.