Qendra për Liri, “Civil”, në Shkup, konstaton se institucionet e Maqedonisë edhe gjatë kësaj krize me refugjatët nga Siria e Afrika, u tregua joefikas, diskriminues dhe të dhunshëm.

Ajo që ndodhi ditëve të fundit në kufirin me Greqinë, edhe njëherë tregoi se institucionet e Republikës së Maqedonisë kanë kapacitete vetëm që shtetin ta tregojnë me fytyrë sa më të shëmtuar. “Civil” kërkon nga qeveria menjëherë ta ndryshojë sjelljen e saj ndaj refugjatëve dhe në tërësi ta respektojë të drejtën ndërkombëtare!”, thuhet në deklaratën për media të kësaj Organizate Joqeveritare.

Organizata Joqeveritare, “Civil” i fton gjithë qytetarët human që t’i ndihmojnë emigrantët me ushqim, ujë dhe ilaçe.

Sjellja e policisë, si të ishte një formacion i shfrenuar parapolicor, do i kushtojë vendit më shtrenjtë se sikur të tregohej humane dhe t’u përmbahej standardeve ndërkombëtare. Kjo duhet ndërprerë dhe përgjegjësit për këtë sjellje duhet të ofrojnë dorëheqje e të përgjigjen para ligjit. Rrahja, shok-bombat, përbuzja, telat me gjemba dhe plumbat e gomës, nuk mund të arsyetohen me asgjë dhe ato janë një njollë e turpshme”, thuhet në reagimin e Organizatës Joqeveritare “Civil”