​ Në serinë e videove të publikuara nga Agjencia e madhe e lajmeve në botë, Associated Press, është edhe vizita e ish-presidentit Ibrahim Rugova në Maqedoni.

Ai kishte shkuar atje që të zhvillojë bisedime për zgjidhjen e konfliktit në Kosovë, ndërsa kishte vizituar kampet e të deportuarve kosovarë në Maqedoni.

Rugovë, në atë kohë kishte folur frëngjisht para reporterëve që me ngulm kërkonin deklarata të tij.

Kur Rugova kishte arritur në njërin nga kampet e ndërtuara nga bashkësia ndërkombëtare, ai ishte pritur me brohoritje dhe duartrokitje. Në mesin e tyre, kishte të tillë që thërrisnin edhe emrin e tij e po ashtu edhe të Ushtrisë Çlirimtare të Kosovës.

Në një deklaratë të tij gjatë vizitës në Maqedoni, Rugova në anglisht kishte thënë: “Sot do të punojmë në një mënyrë diplomatike e po ashtu edhe ushtarake. Kërkova që të kem prezencën ndërkombëtare në Kosovë dhe të NATO-s që të krijohet ambient i sigurt për kosovarët”.

Ai kishte deklaruar se kishte kërkuar që çështja e Kosovës me Serbinë, të kalonte në instance ndërkombëtare.

“Pa prezencë internacionale është e pamundur që të vazhdohet tutje”, kishte thënë Rugova.