A është e mundshme të ushtrohet në palestër dhe të ngrihen peshat gjatë shtatzënisë? Për shembull, të jenë në steper, orbitrek, të vozisin biçikletën?

Gjatë shtatzënisë së rregullt, e cila nuk ka kurrfarë rreziku as komplikime, gjithsesi rekomandohet aktivitet trupor i cili do të duhej të jetë i përshtatur me fazën e shtatzënisë.

Ushtrimi i përshtatur për shtatzënat është opsioni më i mirë për shumicën e shtatzënave, sepse është i përshtatur për grupin e muskujve të cilët është e lejuar të stërviten gjatë shtatzënisë.

Femrave të cilat zakonisht merren aktivisht me sport apo janë sportiste profesioniste, vështirë e përjetojnë ndërprerjen e aktiviteteve të zakonshme trupore në nëntë muajt e shtatzënisë.

Është e mundshme të vazhdoni aktivitetet e njëjta gjatë shtatzënisë, natyrisht me lejen e mjekut i cili ndjek shtatzëninë dhe përcakton që ushtrimet u lejohen.

Ushtrimet aerobi siç janë orbitreku, steperi dhe biçikleta janë të lejuara, mirëpo me avancimin e shtatzënisë për shkak të madhësisë së barkut do të jetë pak e vështirë (së paku kur është fjala për biçikletën).

Nuk këshillohet kurrfarë ushtrimi për muskujt e barkut as ngritja e peshave.

Përgjithësisht në shtatzëni nuk këshillohet ngritja e peshave më të mëdha se 10 kg, madje vetëm në raste të domosdoshme (zakonisht shtatzënat të cilat duhet patjetër të ngrenë dhe të bartin fëmijët e vegjël).

Dëgjoni trupin tuaj dhe nëse ndiheni mirë nuk ka arsye që të mos ushtroni, vetëm pak më me maturi se deri tani.